THE DOM Sehemu Ya 1

THE DOM

Sehemu Ya 1

Mtunzi..... MoonBoy

Simu No. +255714419487 WhatsApp

Instagram....

SON OF PRESIDENT GU

INAPOANZIA RASMI KATIKA SEHEMU YA KWANZA

Simulizi yetu inaazia maeneo ya airport, tukiwa tunamuona kiongozi mkubwa akiandaliwa sehemu ya kukaa kana kwamba kuna mheshimiwa mwenzake aliokuwa akimsubiri eneo hilo, yaani kaja kwa mapokezi zaidi, lakini mapokezi hayo hayakuwa rasmi yaani nchi haina taarifa kuwa raisi kaenda Airport kwa mapokezi ya mgeni fulani, mana kila kiongozi wa nchi anapotoka basi nchi inapaswa kuwa na taarifa sahihi juu ya safari yake, lakini hapo tunamuona yeye na walinzi wake pamoja na makamu wake bila kusahau waziri mkuu na watu wachache sana ambao sio wa kujulikana sana katika nchi,... Kwa mbaaali rais alisema huku akinyoosha kidole
"ndege toka korea Kusini hiooo"

Aliongea mheshimiwa rais huku akinyoosha kidole, kitendo kilichofanya watu wote wa karibu yake kucheka,... Kweli kuna dege kuubwa liliokuwa likijiandaa kushuka katika uwanja wa JULIASI KAMBARAGE NYERERE (JK NYERERE) Dege linashuka na kufungua mlango taaratibu bila wasiwasi wowote..... Walishuka watu wengi sana hasa wa nchi za kigeni hususan Korea Kusini na wengine wengi,... Lakini kwa mtazamo hakukuwa na kiongozi yeyote aliokuwa ndani ya ndege hio, bali walikuwa ni abiria wa kawaida tu, wengine ni watanzania waliokuwa wakirudi kwao na wengine ni wageni kabisa wala hawafanani na watanzania,... Lakini watu wakiwa wanaendelea kushuka katika ndege hio ghafla kuna watu watano wakubwa waliojitokeza pembezoni mwa ndege hio, watu hao hawakuwa ndani ya ndege bali wapo nje ya ndege,,, kwa takwimu za haraka haraka walionekana kuwa ni majambazi watekaji, asilimia kubwa ya sehemu zisizoweza kuvamiwa ni Airport, mana kunakuwa na ulinzi wa hali ya juu sana, sio ulinzi wa askari wala sio ulinzi wa vyombo maalum, lakini ilishangaza majambazi wapatao watano tena waliokomaa kwelikweli, wakiwa wamesimama katika mlango wa ndege kana kwamba kuna mtu nao wanasubiri kwani hawakuhangaika na wale abiria wa kawaida waliokuwa wakishuka,.. Abiria walikuwa wakiishiria lakini waliokuwa wanamsubiri hatokei,... Lakini kati ya vijana hao kuna mmoja alipokea simu lakini haikujulikana alipokea simu ya nani na kaambiwa nini,.. Na uzuri wa majambazi hao hawakuwa na silaha aina yeyote ya moto ispokuwa visu tu ndivyo vilivyojaa katika miili yao, yaani hawa ni majambazi visu, sasa yule kijana mmoja alipomaliza kuongea na simu, alijikuta ananyoosha kidole juu ya ndege, kana kwamba mtu wao wamemuona,... Sasa kabla hajataka kusema ghafla kuna kijana mwingine kati yao, aliruka mithili ya Sungura na kumrukia mmoja wa abiria wale waliokuwa wanamalizikia kushuka

Maskini alirukiwa kijana mmoja wa kitanzania ambaye alionekana kutoka nje ya nchi huku akiwa kubeba kabegi chake cha kushika mkononi, kijana huyo mdogo alidondoka chini mana hakutegemea kama angelirukiwa teke na njemba hilo,.. Sasa mbaya zaidi tukio linatokea mbele ya raisi, yaani hata rais yupo katika uwanja huo huo akiwa anamsubiri mgeni wake, sipati pocha majambazi hawa watafungwa miaka mingapo pindi wakiingia mikononi mwa polisi,... Na wakati huo mheshimiwa rais alikuwa akiona kila kitu tena alivua mpaka miwa ni huku akishangaa ujinga uliokuwa ukifanyika,....
"ina maana hapa hakuna usalama wa aina yeyote"
Aliongea mheshimiwa rais huku watu wake wakiwa kimya tu,....
"nauliza ina maana hakuna usalama hapa,... Kwanini abiria wanatekwa hapa hapa Airport"
"Kiukweli hatujui mkuu"

Sasa pale kwenye ndege, Kumbe yule kijana wa kitanzania hakuwa mtu wa mchezo mchezo hata kidogo,... Kwani naye alikuwa ni kama wao, sasa ikawa ni sinema kwa abiria wengine, kuna waliokuwa wakipiga picha kwa ajili ya kiweka kama tukio ila wandishi wa habari hawakuepo eneo hilo, inaonekana hawakupewa nyeti nyeti za kuja kurekodi tukio zima

Sasa kijana abiria alikaa sawa ili kuwakabili watu waliomzunguka wapatao kama watano tena ni wale walioshiba haswa, yaani ukiambia wabeba vyuma basi ndio hawa,.. Kijana abiria alikaa sawa kama vile mpiganaji mzuri lakini haijulikani kama atawaweza watu hao, na mbaya zaidi rais yupo eneo hilo la Airport,..




Ama kweli udogo si tija, huezi amini mapigano yalipoanza hakuna jambazi alioweza kuingiza ngumi hata moja kwa kijana abiria, ilionekana dhahiri kijana abiria alikuwa na uwezo wa hali ya juu,... Sasa kibao kiliwarudia majambazi hao, kwani kila alietaka kukimbia hakupewa nafasi,... Sasa je, huyu kijana abiria ni nani,.. Watu watano walioshiba ameweza kuwashusha chini, sasa huyu ni nani??  Na kwanini walimkabili yeye tu??

UKIIKOSA HII MIMI SIPO.... NI SIMULIZI YA ACTION AMBAYO MIMI MWANDISHI MoonBoy SIJAWAHI KUANDIKA ACTION, HIVYO KAMA KUTAKUWA NA MAKOSA, NAOMBA TUSAMEHEANE, MANA MIMI SIO MZOEFU WA ACTION STORY, BALI MIMI NI MZEE WA CHOMBEZO AU LOVE STORY... HII NI KWAMBA NIJARIBU KIPAJI CHANGU CHA UANDISHI KAMA NAWEZA AU SIWEZI... MNAPOONA PANA MAPUNGUFU NIKOSOENI KABISAA RUKSA NAWAPA...... SASA TUENDELEENI NA SIMULIZI YETU YA MAPIGANO....

Sasa wakati wale majambazi wakiwa hoi na tayari wapo katika himaya ya kijana abiria, TAFADHALINI SANA NAITA KIJANA ABIRIA MANA BADO HATUJAMJUA JINA LAKE...

Sasa pale pale polisi wanatokea na kumkamata kijana abiria,. Lakini sasa ilionekana kijana abiria ni mtu mkubwa kiasi fulani, mana alitoa waleti yake iliokuwa na vitambulisho vya kazi,.. Wakati huo bastola za polisi zikiwa zimemzingira katika uso wake, na hakuwa akiogopa,...
Sasa ile anatoa tu kile kitambulisho ghafla kilinyakuliwa na askari wa rais,
"unafanya ujinga gani... "
Aliongea askari huyo huku akikificha kile kitambulisho, inaonekana huyu ndio mgeni wa raisi, lakini wale askari walitamani sana kujua kitambulisho cha kijana huyo, mana walikosa nguvu baada ya kumuona askari wa raisi akija kumchukuwa kijana abiria, hivyo kitambulisho hicho hakuna aliekiona zaidi ya askari wa rais peke yake mana alimuwahi asijitambulishe kwa kitambulisho hicho,.. Je? Huyo kijana ni nani, na katoka korea kufanya nini?

Lakini sasa cha ajabu na cha kushangaza raisi anakuja huku akipiga makofi, yeye waziri mkuu, na makamu wa raisi... Hata wale askari waliotaka kumkama kijana abiria walishangaa kumuona raisi akiwa anafurahia mapigano,..
"hahahahha, Kiukweli sihitaji kusema mengi, ila karibu sana kijana wangu... Kuwa huru na hao watu watano sio majambazi kama ulivyofikiria, nimewatuma wafanye hivyo, ili nijue kilichokupeleka korea umekipata?... Nashukuru sana na naomba tuingie katika gari kwa mapumziko zaidi"
Aliongea raisi huku kijana huyo akiingia katika gari ya rais, yaani gari ya raisi hatakiwi kukaa mtu mwingine zaidi ya mlinzi wake tu, lakini leo kumkaribisha kijana huyo aingie katika gari, hivyo ndani ya gari la rais wapo watu wanne akiwemo, DEREVA, RASI, MLINZI WA RAIS, NA KIJANA ABIRIA..

"mkuu, nimemwona mtoto wa General, yule wa kike na alionekana nae anatoka korea"
Aliongea askari huyo huku safari ikiwa inaendelea,....
"hakuna tatizo, hatojua lolote"
Aliongea raisi huku safari ikizidi kwenda
Lakini kijana abiria alionekana kutaka kuuliza lakini alinyamaza, kama vile hatojibiwa kwa usahihi....
Gari iliingia mpaka Ikulu jijini Dar es Salaam, ambapo ndipo makazi makuu ya Mheshimiwa raisi,.. Kijana huyo hakiwa mgeni na mazingira ya uongozi kama hayo japo hujulikani yeye ni nani na alikuwa nchini kama nani,... Kijana anaingia Ikulu kama mheshimiwa fulani hivi, mana hatumjui ni nani,...

"habari za safari kijana"
Rais Alimsalimia kijana huyo,
"salama tu, namshukuru mungu nimefika salama"
"na uwezo ule, ivi ungepata misuko suko kweli"
"kwa uwezo wa Mungu ningelipata, lakini kwa uwezo wa binadamu nisingelipata"
Kijana huyo alionekana kumuamini mungu sana kila anapokwenda japo hatujajua ni dini gani mana hata jina hatulijui, na asilimia kubwa, Watanzania tunajuana kwa majina yetu, akiitwa Joseph basi tunajua huyo ni Mkristo, akiitwa juma basi tunajua huyo ni Muislamu kutokana na jina lake.. Lakini huyu hatulijui jina lake...
"ok.... Mafunzo yaliendeleaje huko"
"aaahhh Namshukuru Mwenyezi Mungu kajaalia nimesoma ulichonituma mkuu"
"hata mimi nimekiona ulichokisomea"
"aahh lakini mkuu, vp pale Airport, pale si kuna kamera za CCTV sasa inakuaje kwa rekodi zangu kuwepo"
Aliongea kijana huyo na wakati wapo wenyewe tu katika chumba husika,  hata mlinzi wa rais hayupo eneo hilo
"wala usihofu,.. Kabla ya wewe kufika kamera zote zilizimwa, vyombo vyote vya usalama vilizimwa... Na askari wa eneo lile wote walitolewa kwa muda kisha nikawaagiza makomando watano wakujaribu kama ulichokifuata huko ni chenyewe, kwa bahati nzuri umefanya vizuri"
Kumbe wale majambazi ni makomando wa Tanzania, sasa iweje kijana mdogo kama huyu awazidi uwezo makomando wa Tanzania,.. Kweli hapa rais ana kijana bora na sio bora kijana
"kwahio mkuu, wale vijana ni makomando wale"
"ndio... Wale ndio moja wa vikosi vyetu vya kikomando"
"aahhhh mbona ni wadhaifu kiasi kile"
"kwasababu mafunzo yako wewe ni ya hali ya juu, na ndio mana umewaona ni wadhaifu"
"Kiukweli hawaingii hata chembe katika mwili wangu"
"nalijua hilo.... "
Yalikuwa ni mazungumzo kati ya kijana huyo na Mheshimiwa rais, na walionekana kujuana kuliko kawaida
"sasa, nataka ukapumzike... Lakini nataka utoe vitambulisho vyako vyote, vikiambatana na kadi zako za benki zoote, yaani kila kilichohusisha jina lako, naomba uviweke hapa mezani haraka sana, tena bila kufikiria"
Aliongea mheshimiwa raisi huku kijana huyo akitafuta vitu hivyo katika begi lake, pamoja na waleti,... Baada ya Dakika mbili alikamilisha agizo la raisi, aliweka kadi na vitambulisho vyake vyote,...Tukianza na Vitambulisho vyake.. KITAMBULISHO CHA MKAZI... KITAMBULISHO CHA MPIGA KURA... KITAMBULISHO CHA KITAIFA... KITAMBULISHO CHA JESHI... KITAMBULISHO CHA SHULE..... BILA KUSAHAU KITABU CHA KUSAFIRIA (PASPOT)..... Ikifuatiwa na kadi Za bank zifuatazo... CRDB BANK.... NMB BANK.... EQUTY BANK... KCB BANK... WESTERN UNION BANK... Vitu vilikuwa vingi mpaka rais akachoka.....
"haaaaa... Kijana hivi VITANZI vyote ni vyako??"
"Ndio."
"nakagua kimoja baada ya kingine, angalia usije ukawa jipu"

Je? Huyu kijana ni nani??... Na kaja nchini kufanya kazi gani??... Kwanini ana VITANZI vingi kiasi hicho???.. USIKOSE

ITAENDELEA..... KWA LIKES 300+

BOFYA HAPA CHINI UKAJISOMEE, MWENDELEZO WAKE...USIKOSE KU LIKE PAGE YETU YA FACEBOOK....

https://mobile.facebook.com/Chombezo-Media-571095712946246/?_e_pi_=7%2CPAGE_ID10%2C4608422023

tAfBoy (.. Tanzania's Frugal Boy..)

Share this

Chombezo Media